Rae: Living is Easy ...

Mer wissen jo nit ob ihr des schun wissen awer mir zwe die Andrea und die Miriam mer waren jo a johr in Amerika und weil des jo des land der unbegrenzte meglichkeite is ham ma do ach gansche was erlebt.

unn jetzt dachte mer uns mer nutzen die gelechenheit und erzählen eich emol was mer do dann so fer adventures an einem daach erlwew kann.

Mer warn do so in new york city oder ach de Big Appel und hen uns nix weiters g’dacht

wie geplont sin mer halt erscht mol ins museum gange und henn uns  do halt mal a bissel die natural history ageguckt.

Nachm planetarium, des is des wo ma sich die sternne aguckt

hem mer dann so hunger kriegt das mer dann ins Sparrooo was esse gange sin.

Kaum war mer drinn kummt uns ach schun a fra endgege kupst und ment so

ob mer uns net am buffet bediene wolle.

Mir uns nadirlich ufs buffet gsterzt und wie en deitsche des so macht ordentlich gscheppt. Als mer dann bezahlt hen oje mer kenn eich sache mer hen ganshe  gschtaund als mer dann gelese hen per pound.

Naja shit happens ne. Mer dann halt unser deires esse gesse und uns nur so gedenkt

bled muss ma jo ach sei, so was mache mer nimmi.

Trauen kener tuss die euch a buffet o bietet.

Mir dann raus ausm sparroo weil mer wollten jo noch was anderes erlewe, ne!

un sin dann in de subway in richtung brooklyn britsch gfahre.

Do okumme häm ma dann erscht mo de afang von dere brick finne misse.

Do lage ma dann um die Eck vun soem Block un uf amo sin do a haufe leid uf ähm fleck. Mir so neigirisch wie mer sin halt do mo hie geloffe.

Dann sacht uns so a securitie Män das mer do net langlafe dirfen weil die do en Hollywood film shooten.

jetzt hätten se mol die chance katte zwe echte keffler in dem movie zu hawe un des ach noch umsunscht dann schickense uns efach wirre weg.

Mer halt wie der securitie män wollt uns uf die aner strosse seid gestellt und halt gegugt ob mer net a paar stars sehe kennn.

Dann hen uns zwe leid erkleart das do John Travolda un de Dancel Washington mitspile.

Do häm ma dann glei mol nomma gnau higschaut und da stehen se doch tatsächlich.

awer bis mer dann unser kammera ausgepackt henn warn die ach schun wieder weg.

häm ma halt o mal a picture von dem stuntmän do gemacht,

des wurd uns dann awer ach irgendwann zu bled , da simmer halt weiter gange.

Un dann hen mer ach de ofang vun de brooklyn britsch gfune.

kaum war ma do druff do hen uns doch tatsächlich zwe deitsche nochm weg gfrocht.

wollten se wisse wos dann zum pier siebzehn äh seventeen geht.

Mir dann emaol nochgfogt ob se dann deitsch sinn und die ganz erleichterd ja gsacht.

unn weil wir mer uns jo schun auskenne wie so  zwe einheimische henn mer denen naderlich de weg erklaere kenne.

Uf de Brookling Bridsch akumme hen mer dann noch a paar bilder ver die erninnerung gemacht un henn uns halte mol die Skyline ageguckt.

als man denn uf de anner seid gewese sinn häma uns werre rumgedreht und sin zurück geloffe um halt wirre zum subway zu kumme, weil mir wollten jo dann ach widder häm ohne 30 blocks zu lafe

also sima los richtung subway geloff. Ufm weg dorthie hem mer a schild gelese wo druff stand „City Hall". Mer dann in den park gschlendert, um mol zu guge wo die is.

Dann hen do so a paar asiate gschdann und hen a film gedreht.

Mer dann sche in die kamera gewunge um hallo zu sache, hen se uns net ogemerkrt vun wege mer sollen net in die kamera guge. Awer do kam dan so ein freindlich Ami vorbei und mirim hot dan den man gfrocht welches vun denen viele gebeide jetzat donn die City hall is.

Der hot uns dann alles erklärt und die asiate hen sich beschwerd weils denne net gepasst hot das ma halt do gschtann hen.  vun weche ob man net uns um die eck stelle kennen

Un der freindliche ami der uns alles erklärt hot, hot denne erscht mo a vortrach ghalte

das des jo an oöffentliche Platz is un mer do mache duerfe was mer wolle un die uns nix zu sache henn.

Uf emo warn die nimmi so vorlaut die asiate un hen halt a mol sche de kopp eigezoche.

der nette ami hot uns dann e mal alles erklärt als hätte ma ke ahnung vun weche da is downtown und do uptown. Nach ner vertel stunn hem ma uns dann vunem loseise kenne uns sinn dann halt werre in de subway um zum grant central terminal zu fahre.

Jo un dann henn mer uns in unsern zug ver häm kockt und da hen ma ganze gstaunt als es don hies die subway five fährt uptown bis zur station Pelham, so hieß nämlich der Movie mitm John unm Danzel, awer soweit sin ma donn doch nit gfahre weil ma dann doch schun zu mied waren un häm wollten.

im grand central han ma uns donn emol noch ein kaffe im starbucks gekaft und uns dann in de zug ghockt

mer han uns donn gedacht der dach war jo schun schä awer hier in amerkia kann wirklich alles passiere.

mer hen do drüwer uf de anner seit von dem große deich noch viel mer erlebt awer des sin donn geschichte vers nägschte mol.